ტურინის „იუვენტუსის“ კაპიტანმა ჯორჯო კიელინიმ კრიშტიანუ რონალდუს შესახებ ისაუბრა და განაცხადა, რომ შარშან „ოქროს ბურთი“ მადრიდის „რეალმა“ მოპარა. მხოლოდ იმიტომ, რომ „სამეფო კლუბის“ წევრი აღარ იყო.

„ოქროს ბურთი“ მესის? ამ აზრს აქვს არსებობის უფლება, მაგრამ შარშან ნამდვილი ქურდობა განხორციელდა. „რეალ მადრიდმა“ გადაწყვიტა, რომ რონალდუს არ გაემარჯვა და ნამდვილად უცნაური იყო. 2018 წლის ლოგიკით, რატომაც მოდრიჩმა გაიმარჯვა, მაშინ „ოქროს ბურთი“ გრიზმანს, პოგბას ან გრიზმანს უნდა მოეგო, რომლებიც საფრანგეთთან ერთად მსოფლიო ჩემპიონები გახდნენ. თუმცა, „რეალს“ უნდოდა რონალდუს არ მოეგო, რადგან მისი ფეხბურთელი აღარ იყო.

„იუვე“? უკვე ვთქვი, რომ ნამდვილ „იუვეს“ იანვრიდან ვიხილავთ, დროა საჭირო. ძალიან კარგად დავიწყეთ, კარგი თვენახევარი იყო. ფიზიკურად გვიჭირს, მაგრამ შედეგების ნაკლებობას არ განვიცდით. ბალანსია საჭირო, „სასუოლოსთან“ ფრე რომ არ გვეთამაშა, სუპერ „იუვეს“ შესახებ ვისაუბრებდით.

ხელით თამაშის წესის დარღვევა? შემთხვევითობა არაა, რაღაც შესაქმნელი და გასაუმჯობესებელია. დე ლიხტი? მას ყოველდღე ვესაუბრები, ჭკვიანი ბიჭია, დიდი სურვილი აქვს სწავლის. სრულიად განსხვავებულ ჩემპიონატში მოხვდა და ეს 20 წლის ასაკში ადვილი არაა“, - თქვა კიელინიმ.

შეგახსენებთ, შარშან „ოქროს ბურთი“ ლუკა მოდრიჩმა მოიგო, ხოლო წელს ლიონელ მესიმ, რომელიც აღნიშნულ ჯილდოს კარიერაში მეექვსედ დაეუფლა და სწორედ კრიშტიანუს გაუსწრო.