ინგლისის ნაკრებმა ევროპის 2020 წლის ჩემპიონატის საგზური მონტენეგროსთან გამარჯვების შემდეგ (7:0) გაიფორმა.

Opta-ს ინფორმაციით, გარეთ საუთგეიტის გუნდის საშუალო ასაკი ხსენებულ მატჩში 23 წელი და 255 დღე იყო. „ლომების“ ისტორიაში კი, ეს ყველაზე ახალგაზრდული შემადგენლობა გახლდათ მსოფლიოს ან ევროპის ჩემპიონატების საკვალიფიკაციო თუ ფინალურ ეტაპებზე.

ეს ციფრები კიდევ ერთი დასტურია იმისა, რომ ინგლისის ნაკრებს საკმაოდ ნათელი მომავალი აქვს და ნიჭიერი ახალგაზრდების ნაკლებობას ნამდვილად არ უჩივის.