ლეგენდარული ხორვატი ფეხბურთელის ზვონიმი ბობანის განცხადებით, რომელიც „მილანში“ მუშაობს, ჯადოსნური ჯოხი არ აქვს. ბალკანელი „როსონერის“ გულშემატკივრებს მოთმინებისკენ მოუწოდებს.
„ჟურნალისტები კითხულობენ, რატომ დაბრუნდა ბობანი „მილანში“? ჩემს თავს ამას მეც ვეკითხები... ცხადია, ეს ხუმრობაა, „მილანში“ ყოფნა ძალიან მომწონს, ვმუშაობ დიდებული „მილანის“ დასაბრუნებლად. აქ ცოტა ხანია რაც ვართ, საჭიროა ყველა ასპექტში მუშაობა.
მწვრთნელის გათავისუფლება ყველას მარცხია. ეს გადაწყვეტილება ყველამ ერთად მივიღეთ და არამარტო მე. ჯამპაოლო კარგი მწვრთნელია, მაგრამ ეს არჩევანი „მილანის“ სასიკეთოდ გაკეთდა. როდესაც საქმე კარგად არ მიდის, ყველა პასუხისმგებელია, მწვრთნელი, ფეხბურთელი, ხელმძღვანელობა. იმედი გვაქვს, რომ პიოლისთან ყველაფერი კარგად წარიმართება.
ჩვენ მხოლოდ დროს ვითხოვთ. არავის უთქვამს, რომ ყველაფერი სწრაფად შეიცვლებოდა. ახალგაზრდული გუნდი გვყავს, იტალიაში ყველაზე ახალგაზრდული. ეს პროცესია და ჯადოსნური ჯოხი არ გვაქვს. ყველაფერს გავაკეთებთ, რომ „მილანი“ უმაღლეს საფეხურზე რაც შეიძლება მალე დაბრუნდეს“, - თქვა ბობანმა.
შეგახსენებთ, „მილანს“ სერია A-ს შვიდ ტურში 9 ქულა აქვს მოპოვებული და ორიოდ დღის წინ მთავარი მწვრთნელი შეიცვალა - მარკო ჯამპაოლო სტეფანო პიოლიმ ჩაანაცვლა.
