„მანჩესტერ იუნაიტედმა“ ვიქტორ ლინდელოფთან კონტრაქტი გაახანგრძლივა. აღნიშნული ინფორმაცია ინგლისური გუნდის ვებგვერდმა ოფიციალურად დაადასტურა.

ლინდელოფი „ოლდ ტრაფორდზე“ 2024 წლის 30 ივნისამდე დარჩება, რაც ნიშნავს იმას, რომ ინგლისური გრანდი შვედის გაყიდვას არ აპირებს.

25 წლის ლინდელოფი „მანჩესტერს“ 2 წლის წინ „ბენფიკადან“ შეუერთდა და დღემდე 74 თამაში ჩაატარა. გასულ ზაფხულს სკანდინავიელით „ბარსელონა“ სერიოზულად იყო დაინტერესებული.

აქვე შეგახსენებთ, რომ ცოტა ხნის წინ „მანჩესტერმა“ ახალი კონტრაქტი დავიდ დე ხეასაც გაუფორმა.