საქართველოს გოგონათა ნაკრებმა მეორე მატჩიც მოიგო ევროპის 17-წლამდელთა ჩემპიონატზე, ამჯერად ლატვიასთან - 24-21 და ნახევარფინალში გასვლის შანსს ინარჩუნებს. 8 აგვისტოს ჯგუფური ეტაპის ბოლო მატჩი გვაქვს შვეიცარიასთან
თამაში ძალიან მძიმე იყო. თავიდან 8-4 დავწინაურდით, მაგრამ აქ წინა მატჩის საუკეთესო მოთამაშე, ლიზა ჩხაიძე კონტრშეტევაში წასულ მეტოქეს უნებურად შეეჯახა, წააქცია და წითელი ბარათი მიიღო. ლატვიის მაღალმა უკანახაზელებმა, სტანკევიჩამ და ციბულსკამ ანგარიშის შემცირება დაიწყეს - 8-7, თუმცა, ტაიმი მაინც ორბურთიანი უპირატესობით დავასრულეთ - 11-9.
კრიტიკული მომენტი დადგა მეორე ნახევარში, როდესაც 13-10 ვიგებდით, მაგრამ ზედიზედ გავუშვით 5 გოლი, 42-ე წუთზე კი ლატვია სამი ბურთითაც დაწინაურდა - 17-14. უკანახაზელების დანაკლისის გამო (ჩხაიძის გარდა გვაკლდა ჯგერენაია, რომელიც პირველ მატჩში დაშავდა) მწვრთნელები იძულებულნი გახდნენ, ორი ხაზის მოთამაშით ეთამაშათ.
და მაინც, თამაში შემოაბრუნეს ანა ჩხაიძემ რომელიც 8 გოლით ყველაზე შედეგიანი იყო; გამთამაშებელმა თამარ ბურკაძემ, ნინო გაგნიძემ, რომელმაც მნიშვნელოვან მომენტებში აუღელვებლად შეაგდო ორი შვიდმეტრიანი და, რა თქმა უნდა, მეკარე ჯიქურაშვილმა, რომელსაც 14 მოგერიებული ბურთი დაუგროვდა და მატჩის საუკეთესო მოთამაშის პრიზიც მიიღო.
საბოლოოდ წინ გაგვიყვანა ანა ჩხაიძემ 22-21, ამის შემდეგ ოთხჯერ გვქონდა ორი ბურთით დაწინაურების შანსი და მხოლოდ ლანა გოგიას მიერ გატანილი ოცდამესამე გოლის შემდეგ გახდა ცხადი, რომ ვიგებდით. ბოლო ბურთი, ზედ ბოლო წამზე, ჩხაიძემ გაიტანა.
ჩვენს ჯგუფში შვეიცარიამ 42-15 მოუგო ფინეთს და ლიეტუვასა და საქართველოსთან ერთად 4 ქულა აქვს, ოღონდ ჩვენ ერთი თამაშით მეტი გვაქვს. ნახევარფინალში გასასვლელად მინიმუმ ქულა გვჭირდება ჯგუფის აშკარა ფავორიტ შვეიცარიასთან, ისიც იმ შემთხვევაში, თუ ლიტვა წააგებს ფინეთთან. ამოცანა ურთულესია, მით უფრო, რომ ლიზა ჩხაიძე შვეიცარიასთან მატჩს წითელი ბარათის გამო გამოტოვებს. სხვა შემთხვევაში ჩვენი გუნდი ბრძოლას მე-5-8 ადგილებისთვის განაგრძობს.
A ჯგუფში უკრაინამ 30-20 მოუგო ბულგარეთს, ხოლო ფარერის კუნძულებმა და საბერძნეთმა 23-23 ითამაშეს. აქ ნახევარფინალისტები გამოვლინდება უკრაინა-სერბეთისა (7 აგვისტო) და უკრაინა-ფარერების (8 აგვისტო) მატჩების შემდეგ.
ხვალ ჩემპიონატზე დასვენების დღეა, შეჯიბრება 7 აგვისტოს განახლდება, თუმცა ამ დღეს საქართველოს ნაკრები ისვენებს. ჯგუფური ეტაპის ბოლო შეხვედრას ჩვენი გუნდი 8 აგვისტოს, შვეიცარიის წინააღმდეგ, გამართავს. დასაწყისი 16 საათზე. სპორტის სასახლეში შესვლა თავისუფალია. ყველა თამაშის პირდაპირი რეპორტაჟისა თუ ჩანაწერის ნახვა რამდენიმე პლატფორმითაა შესაძლებელი:
https://www.youtube.com/user/handballgoergia
https://www.facebook.com/GEONHF/
ხელბურთი. ევროპის ჩემპიონატი 2019, ქალები 17 წ.
თბილისის სპორტის სასახლე, 5 აგვისტო
საქართველო - ლატვია 24-21
საქ: ჯიქურაშვილი, ქარჩავა, კოპალეიშვილი - ა. ჩხაიძე 8, ბურკაძე 4, გაგნიძე 4, გოგია 4, ე. ჩხაიძე 3, დვალიშვილი 1, კორძაია, ქ. ცინცაძე, საბაშვილი, მ. ცინცაძე, სურამლიშვილი, ქამაშიძე, კომახიძე
ლატ: ოცვირკა, ჰანსონე - სტანკევიჩა 6, ციბულსკა 4, ვაინბერგა 3, შტრელე 3, პრუსე 3, პრუტაუენა 1, რიბციკა 1, დრაბო, მინოვა, სავჩენკო, ბუივიდე, ზაროვსკა, ოვსიუკა
მსაჯები: ხრზანი, იანასი (პოლ), დელეგატები: ვიზიციუ (მლდ), ასქეროვი (აზე)
A ფინეთი - შვეიცარია 15-42
B ბულგარეთი - უკრაინა 20-30
B ფარერები - საბერძნეთი 23-23
B ჯგუფი----------თ---მ---ფ---წ--------ბ-----ქ
შვეიცარია-------2---2---0---0---81-35---4
ლიეტუვა--------2---2---0---0---56-37---4
საქართველო----3---2---0---1---66-71---4
ფინეთი----------2---0---0---2---37-65---0
ლატვია----------3---0---0---3---59-91---0
3 აგვ. ლიეტუვა - საქართველო 28-19, შვეიცარია - ლატვია 39-20
4 აგვ. საქართველო - ფინეთი 23-22, ლატვია - ლიეტუვა 18-28
A ჯგუფი---------თ---მ---ფ---წ--------ბ-----ქ
სერბეთი--------2---2---0---0---54-39---4
უკრაინა---------2---2---0---0---49-38---4
ფარერები-------3---1---1---1---86-73---3
საბერძნეთი-----3---0---1---2---54-66---1
ბულგარეთი----2---0---0---2---40-67---0
3 აგვ. სერბეთი - ფარერები 30-26, უკრაინა - საბერძნეთი 19-18
4 აგვ. ფარერები - ბულგარეთი 37-20, საბერძნეთი - სერბეთი 13-24
7 აგვისტო
12:00 ბულგარეთი - საბერძნეთი
14:00 უკრაინა - სერბეთი
16:00 ფინეთი - ლატვია
18:00 შვეიცარია - ლიეტუვა
8 აგვისტო
12:00 უკრაინა - ფარერები
14:00 სერბეთი - ბულგარეთი
16:00 შვეიცარია - საქართველო
18:00 ლიეტუვა - ფინეთი
10 აგვისტო, ნახევარფინალი
11:00 (9-10) A5-B5
13:00 (5-8) A3-B4
15:00 (5-8) B3-A4
17:00 (1-4) A1-B2
19:00 (1-4) B1-A2
11 აგვისტო, ფინალი
12:00 (7-8)
14:00 (5-6)
16:00 (3-4)
18:00 (1-2)
