ბელგიურ გენტში დაბრუნება გოლით აღნიშნა ქართველმა ფეხბურთელმა გიორგი ბერიძემ.

21 წლის თავდამსხმელი „გენტისა“ და „ზელზატეს“ ამხანაგურ შეხვედრაში მოედანზე მეორე ტაიმში გამოჩნდა, გოლი კი 76-ე წუთზე გაიტანა. საბოლოოდ შეხვედრა „გენტმა 4:0 მოიგო.

საქართველოს ეროვნული ნაკრების კანდიდატის კონტრაქტი „გენტს“ 2021 წლამდე ეკუთვნის, მაგრამ ის იჯარის წესით ჯერ სლოვაკურ „ტრენჩინში“ თამაშობდა, გასული სეზონი კი უნგრულ „უიპეშტში“ გაატარა, სადაც 27 შეხვედრაში 4 გოლის გატანა მოახერხა.

აქვე გეტყვით, რომ ამ მატჩში არ უთამაშიათ გიორგი ჩაკვეტაძესა და გიორგი ქვილითაიას, რომლებიც ტრავმის შემდგომ რეაბილიტაციას გადიან.