მადრიდის „რეალმა“ სერბი თავდამსხმელი ლუკა იოვიჩი წარადგინა. „სამეფო კლუბის“ ახალვწეულის განცხადებით, ძალიან ბედნიერია და საუკეთესო არჩევანი გააკეთა.

„მსოფლიოში ყველაზე ბედნიერი ფეხბურთელი ვარ, ამ გუნდისთვის ყველაფერს გავაკეთებ. ენთუზიაზმით სავსე ვარ და საუკეთესო გადაწყვეტილება მივიღე. აგენტმა როდესაც წინადადება წარმიდგინა, ავტომატურად დავთანხდი. როგორც ძალიან ბევრი ბავშვი, მეც „ბლანკოსის“ ქომაგი ვიყავი.

სათამაშო პოზიცია? ვფიქრობ, ბენზემასთან ერთად თამაში შემიძლია, მაგრამ ეს მწვრთნელის გადასაწყვეტია. ჩემპიონთა ლიგის მოგება კარგი იქნება, ქომაგებს კი ვპირდები, რომ 100%-ით დავიხარჯები და დიდი ფეხბურთელებისგან ბევრს ვისწავლი“, - თქვა იოვიჩმა.

შეგახსენებთ, რომ „რეალმა“ იოვიჩი ფრანკფურტის „აინტრახტიდან“ 60 მილიონ ევროდ შეიძინა და კონტრაქტი 2025 წლამდე გაუფორმა.