იტალიური "მილანი" კატალონიის "ბარსელონას" ნახევარმცველის, მალკომის გადაბირებას გეგმავს. იტალიური მედიის ცნობით, ეს არ არის მხოლოდ იდეა, არამედ ქმედითი ნაბიჯები უკვე გადაიდგა, "როსონერის" წარმომადგენლები ფეხბურთელს აგენს შეხვდნენ და მოლაპარაკებები დაიწყეს.
"მილანის" სურვილია, რომ მალკომი "ბარსელოდან" დამდეგ ზაფხულს იჯარის წესით გადაიბიროს სატრანსფერო უფლებების სრული გამოსყიდვით, რომლის ფასი 50 მილიონი ევროთი განისაზღვრება.
ჯერჯერობით, კატალონელთა პასუხი აღნიშნულ საკითხზე უცნობია, მაგრამ დიდად წინააღმდეგი არ უნდა იყოს, რადგან მალკომი "ბარსას" სასტარტო შემადგენლობაში იშვიათად ხვდება.
შეგახსენებთ, რომ 22 წლის ბრაზილიელი "ბლაუგრანას" გასულ ზაფხულს "ბორდოდან" შეუერთდა და ყველა ტურნირის ჩათვლით ჩატარებულ 19 თამაშში 4 გოლის გატანა შეძლო.
