თად მაკფადენი ესპანეთის ჩემპიონატს რიხიანად დაუბრუნდა. ახალი გუნდის შემადგენლობაში დებიუტი როგორც მისთვის, ისე “ხუვენტუდისთვის” წარმატებული გამოდგა. საქართველოს ეროვნული ნაკრების ამერიკელმა უკანახაზელმა ესპანეთის ჩემპიონატის 23-ე ტურში “ობრადორიოს” 17 ქულა ჩაუგდო და “ხუვენტუდს” გამარჯვების მოპოვებაში დაეხმარა. ბადალონელებმა მნიშვნელოვანი გასვლითი გამარჯვება მოიპოვეს – 84:77.

მაკფადენი თამაშში სათადარიგოთა სკამიდან ჩაერთო და მოედანზე 25 წუთი გაატარა. ქართულპასპორტიანმა ამერიკელს ახლო და საშუალო მანძილებიდან არ შეუტევი. მაკფადენმა 6-დან 5 სამქულიანი და 2-დან 2 საჯარიმო ჩააგდო და 17 ქულა მოაგროვა. ამასთან, თადს 3 მოხსნა, 4 პასი და 1 ჩაჭრა ჰქონდა. შედეგად, მისმა სარგებლიანობის ინდექსმა 25 შეადგინა, რაც “ხუვენტუდის” შემადგენლობაში საუკეთესო შედეგი გახლდათ.

ამ მოგებით “ხუვენტუდმა” ცხრილში პოზიცია გაიიმყარა და 14 მოგება-9 წაგებით “ვალენსიასა” და “უნიკახასთან” ერთად 4-6 ადგილებს იყოფს. შემდეგ ტურში, 24 მარტს, ბადალონელები უშუალო კონკურენტ “ვალენსიას” ესტუმრებიან.