იტალიური „რომას“ მთავარმა მწვრთნელმა, ეუსებიო დი ფრანჩესკომ, ჟურნალისტებს უთხრა, რომ ჩემპიონთა ლიგის პირველ მერვედფინალურ მატჩში, „პორტუსთან“ გამარჯვების მიუხედავად (2:1), 6 მარტს, საპასუხო შეხვედრაში, ფრეს არ დასჯერდებიან.

„ერთი ბურთით მოგება დავიმსახურეთ. საწყენია, რომ საკუთარ კარშიც გავუშვით გოლი, მაგრამ, რა გაეწყობა, ეს ფეხბურთია. ყოველ შემთხვევაში, პორტუგალიაში ერთბურთიანი უპირატესობით მივემგზავრებით. თუმცა, მიუხედავად იმისა, რომ საყაიმო ანგარიში ხელს გვაძლევს, ფრეზე მაინც არ ვითამაშებთ. იქაც გასატანად და მოსაგებად ჩავალთ.“ - უთხრა იტალიელმა სპეციალისტმა უეფას პრესსამსახურს.