თბილისისა და საქართველოს ჩემპიონატების საკვალიფიკაციო ტურნირის ჩემპიონი ზაზა ფაჩულიას აკადემიის გუნდი “ზაზა 2” გახდა. ოლიმპიურ სასახლეში გამართულ ფინალურ მატჩში ირაკლი მაისურაძისა და დავით მუმლაძის გაწვრთნილმა გუნდმა 88:80 დაამარცხა “აკადემია” და ტურნირის გამარჯვებული გახდა. დღესვე გაიმართა მატჩი მესამე ადგილისთვის, რომელშიც საკალათბურთო კლუბმა “ორბმა” 103:75 სძლია “ზაზა 2”-ს და ბრინჯაოს მედლებს დაეუფლა.

აკადემია – ზაზა 2
სტატისტიკა: 80:88

ფინალური მატჩი 8-ქულიანი სხვაობით დასრულდა, თუმცა პირველი პერიოდის შემდეგ ხელჩასაჭიდი უპირატესობა რომ მოიპოვა, “ზაზა 2”-ს თამაშის ბოლომდვე პრობლემა აღარ შექმნია. საწყისი ათწუთეულის 23:17 მოგების ზშემდეგ მაისურაძის გაწვრთნილმა გუნდმა მეორეში 28:15 იმარჯვა და დიდ შესვენებაზე 19-ქულიანი ლიდერობით გავიდა.

მეორე ნახევარში აკადემიელები ცდილობდნენ, განსაკუთრებით ირაკლი სულხანიშვილი და ლაშა მიქელაძე აქტიურობდნენ, თუმცა მათი მოწადინება “ზაზას აკადემიის” დასამარცხებლად საკმარისი არ აღმოჩნდა. საბოლოოდ 88:80 და “ზაზა” ჩემპიონი გახდა.

გამარჯვებულთაგან 22 ქულით ბომბარდირი ირაკლი კილაძე გახდა, ხოლო ტურნირის საუკეთესოდ დასახელებულმა მათე კაპანაძემ 20 ქულა მიითვალა. “აკადემიაში” 27 ქულით და 12 მოხსნით საუკეთესო იყო ირაკლი სულხანიშვილი, ლაშა მიქელაძი ანგარიშზე კი 19 ქულა და 14 მოხსნა დაგროვდა. ბექა ბექაიამ აკადემიელებს 19 ქულა შესძინა.

ფინალამდე გაიმართა მატჩი მესამე ადგილისთვის, რომელშიც “ორბმა” 103:75 დაამარცხა ზაზას აკადემიის პირველი გუნდი. მატჩის საყისი პერიოდი გახლდათ მხოლოდ დაძაბული, რის შემდეგაც ვასილ ბერეკაშვილის გაწვრთნილმა “ორბმა” უპირატესობა მოიპოვა და ბრინჯაოს მედლებამდე დამაჯერებლად მივიდა.

ორბი – ზაზა
სტატისტიკა: 103:75

ფინალური მატჩის შემდეგ გაიმართა დაჯილდოვების ცერემონიალი. მეორე ადგილზე გასული აკადემიელები მედლებითა და სიგელებით თბილისის კალათბურთის განვითარების კავშირის წევრებმა – მამუკა ლომიძემ და გიგა ჩაჩანიძემ დააჯილდოვეს. ჩემპიონებს კი ანალოგიური ჯილდოები გიგა ჩაჩანიძემ და საქართველოს კალათბურთის ფედერაციის პრეზიდენტის თანაშემწემ, ზაზა ღონღაძემ გადასცეს.

ტურნირზე ტრადიციულად დაწესებული იყო მაყურებელთა სიმპათიის პრიზი, რომელიც აკადემიელმა ბექა ბექაიამ მამუკა ლომიძესგან ჩაიბარა, ხოლო ტურნირის საუკეთესოდ დასახელებულ მათე კაპანაძეს MVP-ის ტიტული ზაზა ღონღაძემ გადასცა.

დაბოლოს, “ზაზას აკადემიის” კაპიტანს, დაჩი ქავთარაძეს საჩემპიონო თასი საქართველოს კალათბურთის ფედერაციის გამგეობის წევრმა, ვეტერანმა კალათბურთელმა, ნოდარ ქორქიამ გადასცა.

www.gbf.ge