მადრიდის „ატლეტიკოს“ თავდამსხმელი ანტუან გრიზმანი გასულ ზაფხულს იხსენებს, როდესაც კატალონიის „ბარსელონაში“ გადასვლაზე უარი თქვა. ფრანგის განცხადებით, რთული დღეები იყო და „ბარსაში“ თამაშზე უარი თქმა ძალიან გაუჭირდა.

„ძალიან რთული იყო „ბარსელონასთვის“ უარი თქმა. კატალონელებს ნამდვილად სურდათ ჩემი დამატება და არაერთხელ დამიკავშირდნენ. მაგრამ, მეორე მხარეს იდგა გუნდი, რომელშიც დიდი ხანია ვთამაშობ და სადაც მნიშვნელოვანი ფეხბურთელი ვარ,

„ატლეტიკომ“ თავისი პროექტი ჩემს გარშემო ააშენა, ხელფასი გამიზარდეს, ყველაფერი გააკეთეს, რომ არ წავულისყავი. ეს ნამდვილად რთული პერიოდი იყო“, - აღნიშნა გრიზმანმა.

შეგახსენებთ, რომ გრიზმანი "ატლეტიკოს" 2014 წელს, "რეალ სოსიედადიდან" შეუერთდა. მას შემდეგ "როხიბლანკოს" მაისურით 225 შეხვედრაში 118 გოლის გატანა მოახერხა.