ფრანგული „პარი სენ ჟერმენის“ მცველმა დანი ალვეშმა პეპ გვარდიოლას ვარჯიშები სექსს შეადარა. ბრაზილიელი ფეხბურთელის განცხადებით, ესპანელი საუკეთესო მწვრთნელია მის კარიერაში.

„გვარდიოლა საუკეთესო მწვრთნელია მათ შორის, ვისთანაც მიმუშავია. მისი ხელმძღვანელობით ვარჯიში სექსზე უკეთესია. სამწუხაროა, რომ მასთან კიდევ ერთხელ მუშაობის შესაძლებლობა არ მომეცა“, - თქვა ალვეშმა.

დანის არ დაეთანხმა თავად გვარდიოლა: „არა, მე სექსი მირჩევნია“, - დასძინა გვარდიოლამ.

შეგახსენებთ, დანი ალვეში პეპ გვარდიოლას თავკაცობით „ბარსელონაში“ 2008-2012 წლებში თამაშობდა.