რომის „ლაციომ“ ორ წამყვან მოთამაშეს, ჩირო იმმობილესა და სერგეი მილინკოვიჩ-სავიჩს ახალი კონტრაქტები გაუფორმა. როგორც „არწივების“ ვებგვერდი იტყობინება, ორივე ფეხბურთელი იტალიის დედაქალაქში 2023 წლის ზაფხულამდე დარჩებიან.

იმმობილე „ლაციოში“ 2016 წელს გადავიდა და უმალ გუნდის ლიდერად იქცა. პირველ სეზონში 26, მეორეში 41 გოლი გაიტანა, ხოლო მიმდინარე სეზონში თავი უკვე 5-ჯერ გამოიჩინა.

რაც შეეხება სერბ მილინკოვიჩ-სავიჩს, 23 წლის ნახევარმცველი „ლაციოში“ ბელგიური „გენკიდან“ 2015 წელს გადაბარგდა. მას გასულ ზაფხულს არაერთ ევროპულ გრანდთან აკავშირებდნენ, თუმცა რომაელებმა შენარჩუნება მოახერხეს.