ქართველმა ჩოგბურთელმა მარიამ ბოლქვაძემ პირტუგალიურ ობიდოსში მიმდინარე საერთაშორისო ტურნირზე (საპრიზო ფონდი 25 ათასი დოლარი) მორიგი გამარჯვება იზეიმა.

ბოლქვაძემ, რომელმაც თამაში კვალიფიკაციიდან დაიწყო, ძირითად ბადეში შვედ მირიამ ბიორკლუნდს 6:1, 6:4 სძლია, დღეს კი, მე-6 განთესილ ჩეხ მონიკა კილნაროვასაც აჯობა – 6:1, 7:5.
უკვე ცნობილია, რომ მეოთხედფინალში მარიამის მეტოქე მე-3 რეიტინგის მქონე თურქი პემრა ოზგენი იქნება.
შეგახსენებთ, რომ წყვილთა ტურნირის მეოთხედფინალში ბოლქვაძე და პორტუგალიელი ინეს მურტა იტალიელ ბულანისა და იაპონელ იმანიშის ეთამაშებიან.