ქართველი ჩოგბურთელი სოფო შაფათავა ბულგარეთის დედაქალაქ სოფიაში მიმდინარე საერთაშორისო ტურნირის (საპრიზო ფონდი 25 ათასი დოლარი) ძირითად ბადეში გასვლას ცდილობდა, თუმცა, მიზანს ვერ მიაღწია.

შაფათავამ კვალიფიკაციის პირველ წრეში მე-5 ნომრად განთესილი იტალიელი ფედერიკა დი სარა 4:6, 6:4, 6:3 დაამარცხა, გადამწყვეტ შეხვედრაში კი ფრანგ მარგო იეროლიმოსთან (მე-13) 6:4, 6:7 (3:7), 5:7 წააგო.
წყვილთა შეჯიბრში შაფათავასა და უკრაინელ ვალერია სტრახოვას მე-2 რეიტინგი აქვთ და ისინი მერვედფინალში ძალებს ჩეხურ-სლოვაკურ დუეტთან (კოლოძიეოვა-მიჰალიკოვა) სცდიან.