ესპანურმა “სევილიამ” პორტუგალიის ნაკრების თავდამსხმელი ანდრე სილვა გაიფორმა. როგორც ანდალუზიური გუნდის ვებგვერდი იტყობინება, 22 წლის ფეხბურთელი “სანჩეს პისხუანზე” დამდეგ სეზონს იჯარით გაატარებს.

სილვამ კონტრაქტს ხელი უკვე მოაწერა და “სევილიაში” 12-ნომრიანი მაისურით ითამაშებს.

"ყველაფერი ძალიან სწრაფად მოხდა და ბედნიერი ვარ. პირველი შთაბეჭდილებები შესანიშნავია და ერთი სული მაქვს, რომ ლა ლიგა დაიწყოს", - განაცხადა პორტუგალიელმა შემტევმა.

ანდრე სილვამ გასული სეზონი “მილანში” გაატარა და მიუხედავად იმისა, რომ მისგან ბევრს მოელოდნენ, ჩვეულად ვერ ითამაშა. “როსონერის” 40 შეხვედრაში მხოლოდ 10 გოლით შეეწია და იტალია უკვალოდ დატოვა.