"ბარსელონას" სატრანსფერო კომიტეტის წევრის არიედო ბრაიდას განცხადებით, კლუბი "ბაიერნის" ნახევარმცველის არტურო ვიდალის ტრანსფერთან ახლოსაა.

"ვიდალის ტრანსფერთან დაკავშირებით მოლაპარაკების ბოლო ეტაპი მიმდინარეობს, თუმცა შესაძლოა ყველაფერი მოხდეს. ვიმედოვნებთ, რომ მოულოდნელობები არ გვექნება." - ციტირებს ბრაიდას სიტყვებს MRC Sport-ი.

ესპანური მედიის ინფორმაციით "ბარსელონა" ფეხბურთელის სანაცვლოდ 25 მილიონ ევრომდე გადაიხდის. არტურო გერმანულ კლუბს 2015 წელს "იუვენტუსიდან" შეუერთდა და მას შემდეგ ჩატარებულ 124 მატჩში 22 გოლი გაიტანა.