ინგლისური “მანჩეტსერ იუნაიტედი” მიუნხენის “ბაიერნის” ფეხბურთელებს, რობერტ ლევანდოვსკისა და ტიაგო ალკანტარას იწვევს. Independent-ის ინფორმაციით, “წითელი ეშმაკები” შემადგენლობის გაძლიერებას ეშურებიან, პოლონელი და ესპანელიც ამისთვის ჰყავთ შეგულებული.
ჯერჯერობით, შესაძლო ტრანსფერის დეტალები არ ხმაურდება. ცნობილია ის, რომ ლევანდოვსკი “ბაიერნის” დატოვებას აპირებს და მას “ჩელსი” და “რეალიც” ეპატიჟებიან.
აღსანიშნავია, რომ “მანჩტესტერის” მთავარი სამიზნე ისევ მადრიდის “რეალის” შემტევი გარეთ ბეილი გახლავთ.
