დანიის ეროვნული ნაკრების და "გლადბახის" მცველი იანიკ ვესტერგაარდი კარიერას "საუთჰემპტონში" გააგრძელებს. როგორც Sky Sports-ი იუწყება, "წმინდანები" სკანდინავიელის სანაცვლოდ 18 მილიონ გირვანქა სტერლინგს გადაიხდის. მხარეები უკვე შეთანხმდნენ და 13 ივლისს იანიკი ახალ კლუბში სამედიცინო შემოწმებას გაივლის.

ვესტერგაარდი "გლადბახმა" 2016 წელს "ვერდერიდან" დაიმატა. გასულ სეზონში იანიკმა 34 მატჩი ჩაატარა და ორი გოლი გაიტანა. იანიკი დანიის ეროვნული ნაკრების გაფართოებულ შემადგენლობაში იყო და მსოფლიოს ჩემპიონატზეც იმყოფებოდა, თუმცა სათადარიგოთა სკამიდან არ წამომდგარა.