იტალიურ “მილანს” ახალი მფლობელი ჰყავს. როგორც იტალიური მედია იტყობინება, “როსონერის” აწ უკვე ყოფილმა მეპატრონემ იონჰონ ლიმ კლუბის გასხვისება გაუარესებული ფინანსური მდგომარეობის გამო გადაწყვიტა.
ლომბარდიული გრანდი ამიერიდან “ელიოტის მენეჯმენტის” მფლობელობაში გადავიდა 200 მილიონი ევროს სანაცვლოდ და ეს თანხა განვადებით დაიფარება.
მოსალოდნელია, რომ უახლოეს მომავალში ამერიკული კომპანია 50 მილიონი ევროს ინვესტირებას განახორციელებს ფინანსური მდგომარეობის სტაბლიზაციისთვის.
აქვე გეტყვით, რომ ცოტა ხნის წინ უეფამ “მილანი” ევროტურნირებიდან ერთი წლით მოკვეთა ფინანსური ფეირ-პლეის დარღვევის გამო.
