პოლონეთის დედაქალაქ ვარშავაში, 4-8 ივლისს ჩატარდა მსოფლიოს თასის გათამაშება ეტლით ფარიკაობაში, რომელშიც მონაწილეობდა 40-მდე ქვეყნის 200 სპორტსმენი.
ვარშავაში გამართულ შეჯიბრზე, ქართველმა პარასპორტსმენებმა - ირმა ხეცურიანმა, ნინო თიბილაშვილმა და გვანცა ზადიშვილმა წარმატებით იასპარეზეს. ირმა ხეცურიანმა ხმლით ფარიკაობაში გამართულ ტურნირში ფინალში გასვლა შეძლო, სადაც ტაილანდელი სპორტსმენი 15:10 დაამარცხა. რაპირით ფარიკაობაში, ხეცურიანი საუკეთესო 8 სპორტსმენში მოხვდა. ნინო თიბილაშვილმა ხმლით და რაპირით ფარიკაობის ტურნირზე, ასევე საუკეთესო 8 მოფარიკავეს შორის მოხვედრა შეძლო. საუკეთესო 16-ეულში შევიდა გვანცა ზადიშვილი.
mcs.gov.ge