მიუნხენის “ბაირნიისა” და პოლონეთის ნაკრების თავდამსხმელი რობერტო ლევანდოვსკი ადასტურებს, რომ გერმანიიდან წასვლა სურს. პოლონელი ფეხბურთელის განცხადებით, ამ ეტაპზე მომავალთან დაკავშირებით არაფერი იცის, მაგრამ ბუნდესლიგიდან წასვლას გეგმავს.

“მე უკვე ვთქვი, რომ არ მსურს მთელი კარიერა ერთ ჩემპიონატში ვითამაშო. თუმცა, ახლა ჩემი მომავლის შესახებ არაფერი ვიცი, რადგან სატრანსფერო პერიოდზე არ ვფიქრობ. 29 წლის ვარ და დიდი ხანი შემიძლია მაღალ დონეზე თამაში თუ ტრავმები ხელს არ შემიშლის”, - განაცხადა ლევანდოვსკიმ.

შეგახსენებთ, რომ რობერტ ლევანდოვსკი “ბაიერნში” 2014 წლიდან თამაშობს და 195 შეხვედრაში 151 გოლი გაიტანა. მანამდე კი, დორტმუნდის “ბორუსიას” რიგებში თამაშობდა.