მილანის “ინტერის” თავდამსხმელი მაურო იკარდი შესაძლოა მსოფლიოს ჩემპიონატზე მოხვდეს. არგენტინის ნაკრებს უკვე გამოაკლდა მანუელ ლანსინი, რომელმაც მუხლის ტრავმა მიიღო და მუნდიალზე ვერ ითამაშებს.
ხორხე სამპაოლის კი “ვესტ ჰემის” შემტევის ნაცვლად განაცხადში ახალი მოთამაშის შეყვანა მოუწევს. როგორც უცხოური გამოცემები იტყობინებიან, ლანსინის ნაცვლად “ალბისელესტეს” რიგებში მოხვედრის მთავარი კანდიდატები მაურო იკარდი და დიეგო პეროტი არიან.
შეგახსენებთ, რომ იკარდი 23-კაციან შემადგენლობაში ვერ მოხვდა, რასაც სამპაოლის მისამართით დიდი კრიტიკა მოჰყვა.
