იტალიურმა “მილანმა” ალესიო რომანიოლის ახალი კონტრაქტი გაუფორმა. “როსონერის” ვებგვერდის ცნობით, მხარეებს შორის განახლებული ხელშეკრულება 2022 წლის ზაფხულამდეა გათვლილი. ძველ კონტრაქტს კი ვადა 2020 წლამდე ჰქონდა.

აღსანიშნავია, რომ “მილანმა” რომანიოლისთან კონტრაქტის გაგრძელება ფეისბუკზე პირდაპირ ეთერში გადასცა. ნიჭიერი ფეხბურთელის შეძენით “იუვენტუსი” და “ლივერპული” იყვნენ დაინტერესებული, მაგრამ “მილანმა” მისი შენარჩუნება შეძლო.

23 წლის იტალიელი მცველი “მილანში” 2015 წლიდან თამაშობს და დღემდე 111 მატჩში 5 გოლის გატანა მოახერხა.