მსოფლიო ფეხბურთის მმართველი ორგანიზაცია სატრანსფერო სისტემის რეფორმას იწყებს და ამ მიზნით სპეციალური კომისია შექმნა, რომელიც დაკომპლექტდა ფიფას, ფეხბურთელთა საერთაშორისო პროფკავშირის, ევროპულ კლუბთა ასოციაციის წარმომადგენლებით და ყოფილი ფეხბურთელებით. მათ შორის არიან - კაფუ, ზვონიმირ ბობანი, ედვინ ვან დერ საარი და მარკო ვან ბასტენი.

France Football-ის ინფორმაციით, კომისია რეფორმის 11 პუნქტზე მუშაობს. განსახილველ საკითხთა შორისაა შრომის ანაზღაურების ზედა ზღვარის დაწესება. ამასთან, აქტიურად განიხილება ფეხბურთელთა იჯარის აკრძალვის საკითხიც.

საბოლოოდ, ცვლილებებს დასამტკიცებლად ოქტომბერში, ფიფას აღმასრულებელი კომიტეტის სხდომაზე წარადგენენ.