დონეცკის “შახტარის” ქართველი მცველი დავით ხოჭოლავა უკრაინის პრემიერლიგის 26-ე ტურის საუკეთესო 11 ფეხბურთელს შორის მოხვდა. ხოჭოლავას “ვერესთან” (2:0) კარგი თამაში გამოცემა football.ua-მ დაუფასა.

“დონეცკელთა ცენტრალურმა მცველმა კიდევ ერთხელ წარმოაჩინა მისი მაღალი კვალიფიკაცია. თითქმის ორმეტრიან დავითთან საჰაერო ორთაბრძოლების მოგება რთული ამოცანაა. ამასთან, რამდენიმე ეპიზოდში, მასპინძელთა შეტევის ხაზი საერთოდ დაიკარგა ქართველი ფეხბურთელის ფონზე, რომელიც კარგად ირჩევდა პოზიციას. არ დაგვავიწყდეს, რომ სწორედ ხოჭოლავამ გაიტანა “ვერესის” კარში მეორე გოლი, რითაც ფაქტობრივად გადაწყვიტა თამაშის ბედი” - წერს უკრაინული გამოცემა ქართველი ფეხბურთელის შესახებ.

აღნიშნულ შეხვედრაში ხოჭოლავამ მოედანზე 90 წუთი დაჰყო და გოლიც მიითვალა (VIDEO). მიმდინარე სეზონში უკრაინის პრემიერლიგაში საქართველოს ნაკრების მცველის ანგარიშზე 11 მატჩი და 1 გოლია.