ლონდონის “არსენალმა” ევროპა ლიგის განმეორებით მერვედფინალურ მატჩში იტალიურ მილანს კვლავ სძლია. მატჩის შემდგომ “მეთოფეების” მთავარმა მწვრთნელმა არსენ ვენგერმა კომენტარი გააკეთა და აღნიშნა, რომ პირველი წრის შეხვედრამ გუნდზე დადებითად იმოქმედა.
“ჩვენ უნდა დავასრულოთ წარუმატებლობა. “მილანთან” გამარჯვება ამაში დაგვეხმარება. ეს იყო რთული მატჩი, მაგრამ ჩვენ მოვახერხეთ მოგება.
პირველ ნახევარში “არსენალი” უფრო დაცვაზე იყო კონცენტრირებული, თუმცა გატანაც შევძელით. შესვენების შემდგომ კი თავდასხმები გავაძლიერეთ და შევუტიეთ, რამაც კარგი შედეგი გამოიღო”, - განაცხადა არსენ ვენგერმა.
შეგახსენებთ, რომ “მეთოფეები” ევროპა ლიგის მეოთხედფინალში გავიდნენ და სავარაუდო მეტოქის მოლოდინში არიან. წილისყრა კი დღეს 4 საათზე გაიმართება.
