იტალიური “მილანის” კაპიტანმა ლეონარდო ბონუჩიმ შესაძლოა, ყოფილი გუნდის, “იუვენტუსის” წინააღმდეგ ვერ ითამაშოს. ეს, იმ შემთხვევაში მოხდება თუ ბონუჩი სერია A-ს შემდეგ ტურში, “კიევოსთან” ყვითელ ბარათს მიიღებს.

ბონუჩის ამჟამად 4 გაფრთხილება აქვს, ხოლო ხუთი ყვითელი ბარათის შემთხვევაში ფეხბურთელი იტალიის ჩემპიონატში ავტომატურად ტოვებს შემდეგ მატჩს. “მილანი” “კიევოს” მერე, სწორედ “იუვენტუსს” დაუპირისპირდება, 31 მარტს, ტურინში.

აღსანიშნავია, რომ 30 წლის ფეხბურთელს ყოფილი გუნდის წინააღმდეგ პირველ წრეში არ უთამაშია. მაშინ, “ჯენოასთან” მიღებული წითელი ბარათის გამო ორმატჩიან დისკვალიფიკაციას იხდიდა.

შეგახსენებთ, რომ ლეონარდო ბონუჩი “იუვენტუსში” გატარებული 7 სეზონის შემდეგ “მილანს” გასულ ზაფხულს შეუერთდა.