ბრაზილიელმა და ესპანელმა ფეხბურთელებმა მარსელომ და ხესუს ვალიეხომ ტრავმა მოიშუშეს და ვარჯიში განაახლეს. როგორც მადრიდის "რეალის" ოფიციალური ვებგვერდი იუწყება, ფეხბურთელები გუნდს შეუერთდნენ და მომავალი მატჩებისთვის მზადება დაიწყეს.
ასევე, Marca-ს ინფორმაციით, 29 წლის სამხრეთამერიკელს ლა ლიგის 27-ე ტურში "ხეტაფეს" წინააღმდეგ დიდი ალბათობით მცირე სათამაშო დრო ექნება და ზინედინ ზიდანი შეეცდება პსჟ-სთან გასამართ ჩემპიონთა ლიგის მერვედფინალური ეტაპის საპასუხო შეხვედრაში ბრაზილი ბოლომდე დატვირთოს.
"ბლანკოსის" ფეხბურთელები ტონი კროოსი და ლუკა მოდრიჩი სარეაბილიტაციო პერიოდს გადიან და გუნდს უახლოეს მომავალში შეუერთდებიან.
