იტალიის სერია A შობას გამორჩეული მატჩით ხვდება: “იუვენტუსი” – “რომა”. ტურინულ-რომაული დუელი ყოველთვის ყურადღების ცენტრშია და ბუნებრივია გამონაკლისი არც დღევანდელი მატჩია.
საინტერესოა, რომ ორივე გუნდი ჩინებულად ირჯებიან და სკუდეტოსთვის იბრძვიან. დღესვე ერთი საინტერესო დუელი იქნება “ალიანც სთედიუმზე” – სერია A-ს საუკეთესო შეტევა, საუკეთესო დაცვის წინააღმდეგ. საერთოდ, როგორც წესი დაცვაში მაღალ დონეზე თამაშით ყოველთვის “ბებერი ქალბატონი” გამოირჩეოდა, ხოლო “ჯალოროსი” – პირიქით.
აი, ახლა საქმე სხვაგვარადაა: “იუვეს” იტალიაში საუკეთესო (TOP 5 ჩემპიონატში მე-3) შეტევა ჰყავს და 17 ტურში 44 გოლი აქვს გატანილი. თავის მხრივ, “რომამ” 16 ჩატარებულ მატჩში მხოლოდ 10 გოლი გაუშვა და ამაზე ცოტა კალჩოში არცერთ გუნდს არ აქვს გაშვებული.
შეტევა გადაწონის თუ დაცვა, ამას ცოტა მოგვიანებით გავიგებთ. იქამდე, თქვენს ყურადღებას სხვა რამეზე შევაჩერებთ. ახლო წარსულს თუ გავიხსენებთ, “იუვენტუსისა” და “რომას” დაპირისპირებას ყველაფერთან ერთად მიმზიდველს კაპიტანთა დუელი სძენდა.
ერთ მხარეს ალესანდრო დელ პიერო, მეორე მხარეს – ფრანჩესკო ტოტი. ლეგენდარულ იტალიელი 10-იანების გზა მთელი კარიერის განმავლობაში იკვეთებოდა. საერთოდ, ვინ უფრო დიდი ფეხბურთელი იყო დელ პიერო თუ ტოტი, დღემდე აქტუალურია იტალიასა და ზოგადად, იტალიური ფეხბურთის მოყვარულთ შორის.
ბუნებრივია, კითხვას, რომელსაც პასუხი არ აქვს, ვერც ჩვენი სტატია გასცემს პასუხს, მაგრამ სტატისტიკას კი გავეცნობით. დელ პიერო “რომას” წინააღმდეგ და ტოტი “იუვენტუსის” წინააღდმეგ.
“იუვეს” ექსკაპიტანს “რომასთან” კარიერის განმავლობაში 30-ჯერ (24 მატჩი სერია A-ში, 6 იტალიის თასზე) უთამაშია და ასეთი შედეგით იწონებს თავს: 15 გამარჯვება, 9 ფრე, 6 წაგება და 13 გატანილი გოლი.
ტოტის შედეგი კი ტურინული გრანდის პირისპირ ასეთია: 39 მატჩი (34 სერია A-ში, 5 იტალიის თასზე), 10 გამარჯვება, 13 ფრე, 16 წაგება და 10 გატანილი გოლი.
ალესანდრო დელ პიეროს გოლები “რომას” კარში:
08/02/1998: სერია A, “იუვენტუსი” – “რომა” 3:1 (1 გოლი)
06/05/2001: სერია A, “იუვენტუსი” – “რომა” 2:2 (1 გოლი)
01/12/2002: სერია A, “რომა” – “იუვენტუსი” 2:2 (1 გოლი)
19/04/2003: სერია A, “იუვენტუსი” – “რომა” 2:1 (2 გოლი)
28/10/2004: სერია A, “იუვენტუსი” – “რომა” 2:0 (1 გოლი)
05/03/2005: სერია A, “რომა” – “იუვენტუსი” 1:2 (1 გოლი)
26/01/2006: იტალიის თასი, “იუვენტუსი” – “რომა” 2:3 (2 გოლი)
16/02/2008: სერია A, “იუვენტუსი” – “რომა” 1:0 (1 გოლი)
01/11/2008: სერია A, “იუვენტუსი” – “რომა” 2:0 (1 გოლი)
23/01/2010: სერია A, “იუვენტუსი” – “რომა” 1:2 (1 გოლი)
24/01/2012: იტალიის თასი, “იუვენტუსი” – “რომა” 3:0 (1 გოლი)
ფრანჩესკო ტოტის გოლები “იუვენტუსის” კარში:
14/12/1994: იტალიის თასი, “რომა” – “იუვენტუსი” 3:1 (1 გოლი)
01/12/2002: სერია A, “რომა” – “იუვენტუსი” 2:2 (1 გოლი)
08/02/2004: სერია A, “რომა” – “იუვენტუსი” 4:0 (1 გოლი)
19/11/2005: სერია A, “რომა” – “იუვენტუსი” 1:4 (1 გოლი)
23/09/2007: სერია A, “რომა” – “იუვენტუსი” 2:2 (2 გოლი)
23/01/2010: სერია A, “იუვენტუსი” – “რომა” 1:2 (1 გოლი)
13/11, 2010: სერია A, “იუვენტუსი” – “რომა” 1:1 (1 გოლი)
16/02/2013: სერია A, “რომა” – “იუვენტუსი” 1:0 (1 გოლი)
05/10/2014: სერია A, “იუვენტუსი” – “რომა” 3:2 (1 გოლი)
"იუვენტუსისა" და "რომას" დღევანდელი შეხვედრა თბილისის დროით 23:45 საათზე დაიწყება. მართალია, მოედანზე არც დელ პიერო იქნება და არც ტოტი, მაგრამ ეს დაპირისპირება თავის ხიბლს არასდროს კარგავს...
