“მანჩესტერ იუნაიტედის” ნახევარმცველმა პოლ პოგბამ 2016 წლის ზაფხული გაიხსენა. ის პერიოდი, სანამ ინგლისში დაბრუნდებოდა. ფრანგი ფეხბურთელის განცხადებით, მაშინ შემოთავაზება მადრიდის “რეალიდანაც” ჰქონდა, მაგრამ “ოლდ ტრაფორდზე” დაბრუნება ამჯობინა.

“2016 წელს “რეალი” მელაპარაკებოდა და ვფიქრობდი მადრიდში გადასვლაზე, მაგრამ ასევე ვფიქრობდი მანჩესტერში დაბრუნებაზე. გადაწყვეტილება არ მქონდა მიღებული და ჯერ კიდევ არ ვიცოდი სად ვითამაშებდი მომავალში.

ყოველთვის ჩემს გულს ვუსმენდი – გული კი მეუბნებოდა, რომ “იუნაიტედში” უნდა დავბრუნებულიყავი. არ ვიცი, რატომ, როგორ, მაგრამ ასე მოხდა. “მანჩესტერში” გადასვლას არ ვნანობ”, - განუცხადა პოგბამ Bეყონდ ტჰე პიტცჰ-ს.

შეგახსენებთ, რომ პოლ პოგბა “მანჩესტერში” 2016 წლის ზაფხულში “იუვენტუსიდან” 105 მილიონი ევროს სანაცვლოდ გადავიდა.