მადრიდის “რეალში” კონფლიქტია. კერძოდ, კრიშტიანუ რონალდუსა და ისკო ალარკონს შორის. აღნიშნულ ინფორმაციას Bleacher Report-ი ავრცელებს. წყარო იმ ფაქტსაც იშველიებს, რომ “ლას პალმასთან” შეხვედრაში პორტუგალიელ შემტევს ესპანელი ნახევარმცველის გატანილი გოლი არ აღუნიშნავს.
გარდა ამისა, ესპანელი ჟურნალისტები წერენ, ბოლო დროს რონალდუ ძალიან ნერვიულობს. პორტუგალიელს ლა ლიგის 7 შეხვედრაში ერთადერთი გოლი აქვს გატანილი და ჩვეულ ფორმაში დაბრუნებას ვერაფრით ახერხებს.
