ესპანეთის ეროვნული ნაკრების და "მანჩესტერ სიტის" ნახევარმცველი დავიდ სილვა, შესაძლოა, "ლივერპულში" გადავიდეს. როგორც Daily Express-ი იუწყება, ესპანელი ფეხბურთელი და "ქალაქელები" ახალ კონტრაქტზე ვერ თანხმდებიან და შესაძლოა, თანამშრომლობა ურთიერთშეთანხმების საფუძველზე მომავალ წელს შეწყდეს, ხოლო "მერსისაიდელებმა" სილვა უფასოდ დაიმატონ.

დავიდი "მანჩესტერ სიტიში" "ვალენსიადან" 2010 წელს გადავიდა და მას შემდეგ ჩატარებულ 321 შეხვედრაში თავი 52 გოლით და 110 საგოლე გადაცემით გამოიჩინა. სილვას მანჩესტერელებთან კონტრაქტი 2019 წლის ივლისამდე აკავშირებს.