სინგაპურში რვა საუკეთესო ქალი ჩოგბურთელი შეიკრიბა და წლის შემაჯამებელი ტურნირი დაიწყო. ქალბატონები ორ ჯგუფად დაიყვნენ - წითელი და თეთრი.
გუშინ თეთრი ჯგუფის მატჩები გაიმართა. კაროლინა პლისკოვამ ვინუს უილიამსი მარტივად 6:2, 6:2 დაამარცხა. ვინუსს შეხვედრის მოგების არანაირი შანსი არ ჰქონია. პლისკოვა კი ტრადიციულად აგრესიული მოწოდებით გამოირჩეოდა და შეხვედრის რიტმს მთლიანად აკონტროლებდა.
წლის შემაჯამებელ ტურნირზე პირველად ასპარეზობს ელენა ოსტაპენკო. გარბინიე მუგურუსამ დებიუტანტი ლატვიელი 6:3, 6:4 დაამარცხა. ესპანელმა ორივე სეტში იოლი გამარჯვება მოიპოვა.
წლის შემაჯამებელი ტურნირის საპრიზო ფონდი 7 მილიონ ამერიკულ დოლარს შეადგენს.
თეთრი ჯგუფი
| 1. | კაროლინა პლისკოვა | 1 | 1 | 0 | 2:0 | 1 | |
| 2. | გარბინიე მუგურუსა | 1 | 1 | 0 | 2:0 | 1 | |
| 3. | ვინუს უილიამსი | 1 | 0 | 1 | 0:2 | 0 | |
| 4. | ელენა ოსტაპენკო | 1 | 0 | 1 | 0:2 | 0 | |
