ესპანეთის ეროვნული ნაკრები მსოფლიოს ჩემპიონატზეა. ამაში ეჭვის შეტანა შესარჩევი ციკლის დაწყებისთანავე ძნელი იყო, მაგრამ ახლა უკვე ოფიციაურად გაფორმდა. “ფურია როხამ” მართლაც დიდებულად განვლო მთელი ციკლი და 9 თამაშიდან ერთადერთხელ დაკარგა ქულები, როდესაც ტურინში იტალიას დაუზავდა. იულიან ლოპეტეგის გუნდმა ამჯერზე ალბანეთი ადვილად დაამარცხა – 3:0.
ამ ჯგუფიდან პლეი-ოფში ითამაშებს იტალიის ნაკრები. მართალია, “სკუადრა აძურა” საუკეთესო რვა მეორეადგილოსანს შორის ოფიციალურად არ იმყოფება, მაგრამ ძნელად სავარაუდოა, რომ ლაივცხრილში ამჯერად მეორე ადგილზე მყოფი იტალია რვა გუნდს შორის ვერ მოხვდეს. თუმცა, ფაქტია, რომ იტალია ძალიან ცუდ ფორმაშია და მუნდიალზე გასვლა ძალიან გაუჭირდება. იტალიის ნაკრების თამაშში არ იგრძნობა არანაირი სილაღე და ფანტაზია. შედეგიც სახეზეა: ფრე საკუტარ მოედანზე მაკედონიასთან. იტალიელი ქომაგები ხელს ჯამპიერო ვენტურასკენ იშვერენე და მის გათავისუფლება ითხოვენ, მაგრამ ამასობაში იტალიის ფეხბურთის ფედერაციამ ვენტურას კონტრაქტი 2020 წლამდე გაუხანგრძლივა…
ლიხტენშტეინი – ისრაელი 0:1 (0:1)
გოლი: 0:1 ტიბი (21)
იტალია – მაკედონია 1:1 (1:0) VIDEO
გოლები: 1:0 კიელინი (40), 1:1 ტრაიკოვსკი (77)
ესპანეთი – ალბანეთი 3:0 (3:0) VIDEO
გოლები: 1:0 როდრიგო (16), 2:0 ისკო (24), 3:0 ტიაგო ალკანტარა (27)
| 1. | ესპანეთი | 9 | 8 | 1 | 0 | 35:3 | 25 | |
| 2. | იტალია | 9 | 6 | 2 | 1 | 20:8 | 20 | |
| 3. | ალბანეთი | 9 | 4 | 1 | 4 | 10:12 | 13 | |
| 4. | ისრაელი | 9 | 4 | 0 | 5 | 10:14 | 12 | |
| 5. | მაკედონია | 9 | 2 | 2 | 5 | 11:15 | 8 | |
| 6. | ლიხტენშტეინი | 9 | 0 | 0 | 9 | 1:35 | 0 |
მომდევნო ტური – 9 ოქტომბერი
ალბანეთი – იტალია
მაკედონია – ლიხტენშტეინი
ისრაელი - ესპანეთი
