საქართველოს 16-წლამდე კალათბურთელთა ნაკრებმა სარეკორდო ანგარიშით მოიგო. გია კაზანჯიანის გუნდმა ევროპის ჩემპიონატის “ბ“ დივიზიონში რიგით მე-3 მატჩი ნორვეგიასთან გამართა და 111:42 იმარჯვა.

სლოვენიასთან და ისრაელთან სადებიუტო მარცხის შემდეგ, ქართველებმა ჯგუფიდან გასვლის შანსი ფაქტობრივად დაკარგეს, თუმცა გია კაზანჯიანის გუნდს შანსი გამოუჩნდა.

ჩვენი ჯგუფის მეორე მატჩში ისრაელმა ტურნირის მასპინძელი მაკედონია 100:63 დაანადგურა. თუკი დღეს საქართველო მაკედონიას 15 ქულით მოუგებს, ხოლო სლოვენია ჯგუფის ფავორიტ ისრაელთან დამარცხდება, კაზანჯიანის გუნდი ჯგუფიდან გავა.

თუკი ყველაფერი ასე მოხდა, სამი გუნდი – საქართველო, მაკედონია და სლოვენია ქულების თანაბარ ოდენობას დააგროვებენ. ქართველების მიერ მაკედონიის 15 ქულით ძლევა კი კაზანჯიანის გუნდს ამ სამ ნაკრებს შორის ურთიერთშეხვედრებში უპირატესობას მიანიჭებს და ქართველები მეორე ადგილზე გავლენ.

ევროპის ჩემპიონატი 16-წლამდელთა შორის. “ბ“ დივიზიონი. შტრუმიცე. მაკედონია. 23 აგვისტო

საქართველო – ნორვეგია 111:42 (22:10, 23:9, 24:15, 42:8)

სრული სტატისტიკა:

http://u16men.fibaeurope.com/enDivB/cid_IIYgusIDGZQ9Od8JC9C9x0.gameID_10107-B-7-4.compID_YUjW-7-FJ,kK9s431Lyr41.season_2014.roundID_10106.teamID_.html

24 აგვისტო (თბილისის დრო)

14:00 სლოვენია - ისრაელი

20:45 მაკედონია - საქართველო

 www.gbf.ge