ევროპის 2020 წლის საფეხბურთო ჩემპიონატის შესარჩევი ეტაპის წილისყრა 2 დეკემბერს დუბლინში ჩატარდება.
2019 წლის მარტიდან ნოემბრამდე გაიმართება შესარჩევი ტურნირი, რომელშიც 55 ნაკრები მიიღებს მონაწილეობას. სულ 10 ჯგუფი იქნება და პირველ-მეორეზე გასულები პირდაპირ მოხვდებიან ევროპის ჩემპიონატზე.
დანარჩენი ოთხი გუნდის ვინაობა კი უეფას ნოვაციური სისტემის, ერთა ლიგის პლეი ოფების შედეგად გაირკვევა. ამ სისტემის შესახებ გვეწერა და როგორც იცით, ეს შანსია სუსტი ევროპული ქვეყნებისთვის, მათ შორის, საქართველოსთვის.
