არგენტინელმა ხუან მარტინ დელ პოტრომ 2009 წელს ამერიკის ღია პირველობა მოიგო, მას შემდეგ იყო ბევრი ტრავმა, გამოტოვებული უამრავი ტურნირი და აი, არგენტინელი დაბრუნდა.

ამერიკის ღია პირველობის 1/4-ფინალში ხუან მარტინმა როჯერ ფედერერი 7:5, 3:6, 7:6, 6:4 დაამარცხა. შეხვედრა 2 საათსა და 55 წუთს გაგრძელდა. მატჩში გარდამტეხი მესამე სეტი გახლდათ, ტაი-ბრეიკზე როჯერი 6:4-ს იგებდა და ორმაგი სეტ-პოინტი ჰქონდა, მაგრამ საბოლოოდ დელ პოტრომ 10:8 მოიგო. მეოთხე პარტიაში 2:2-ზე არგენტინელი გადამწყვეტ ბრეიკს აკეთებს და ნახევარფინალში გადის, სადაც რაფაელ ნადალს შეხვდება, რომელმაც თავის მხრივ რუსი ანდრეი რუბლევი იოლად, 6:1, 6:2, 6:2 დაამარცხა.

ურთიერთშეხვედრებში ნადალი დელ პოტროს 8:5-ს უგებს, მატჩი 9 სექტემბერს თბილისის დროით 00:00 საათზეა ჩანიშნული.