მადრიდის "რეალის" და ესპანეთის ეროვნული ნაკრების ნახევარმცველმა ისკომ იტალიასთან მოგებულ (3:0) მსოფლიოს ჩემპიონატის შესარჩევ მატჩში ორი გოლი გაიტანა და ესპანელების უსიამოვნო ტრადიცია დაარღვია. 1930 წლის შემდეგ, ისკო გახდა პირველი ფეხბურთელი, რომელმაც იტალიას დუბლი შეუსრულა. 87 წლის წინ "სკუადრა აძურას" კარში ორი გოლით ლუის რიგეირო გამოირჩა.

ისკომ დიდი სამსახური გაუწია თავის გუნდს, სამი ქულის მოპოვებაში დაეხმარა და ფაქტობრივად "ფურია როხამ" ჯგუფში პირველი ადგილი გაინაღდა. იტალიას კი პლეი-ოფში მოუწევს თამაში.