საქართველოს საკალათბურთო ნაკრების ევროპის ჩემპიონატის მზადების დასკვნით ფაზაშია. ილიას ზუროსის გუნდი უკვე ისრაელშია და პირველი ვარჯიშიც ჩაატარა, რომლის დასრულების შემდეგ დუდა სანაძემ ისაუბრა.

სანაძის თქმით, ნაკრები 100%-ით მზადაა ევრობასკეტისთვის და ლიტვასთან თამაშს დიდი იმედით ხვდებიან:

“ძალიან კარგი ამხანაგური თამაშები და მოსამზადებელი ეტაპი გვქონდა. აქედან გამომდინარე, მიმაჩნია, რომ 100%-ით მზადყოფნაში ვართ. ბიჭები კარგ ფორმაში ვიმყოფებით, დასვენებულებიც ვართ და ლიტვასთან პირველ თამაშს დიდი იმედით ველოდებით”, - უთხრა სანაძემ საქართველოს კალათბურთის ფედერაციის პრესსამსახურს.

შეგახსენებთ, საქართველოს ნაკრები ევროპის ჩემპიონატზე პირველ შეხვედრას 31 აგვისტოს, ლიტვის ნაკრებთან გამართავს.