მიუნხენის “ბაიერნის” ჩილელმა ნახევარმცველმა, არტურო ვიდალმა შესაძლოა კარიერა “მანჩესტერ იუნაიტედში” გააგრძელოს. Daily Star-ის ინფორმაციით “წითელი ეშმაკები” მზად არიან უარი თქვან ნემანია მატიჩსა და ერიკ დაიერზე და მის ნაცვლად 30 წლის მოთამაშე დაიმატონ.
არტური ვიდალს “ბაიერნთან” კონტრაქტი 2019 წლის ზაფხულამდე აკავშირებს. გასულ სეზონში ჩილელმა 41 მატჩში მიიღო მონაწილეობა, გაიტანა 9 გოლი და 4 საგოლე გადაცემა შეასრულა. სამხრეთამერიკელის სატრანსფერო ღირებულება 35 მილიონი ევროა.
