მექსიკის ეროვნული ნაკრების მეკარე გილერმო ოჩოა ამიერიდან ლიეჟის “სტანდარტში” ითამაშებს. ამის შესახებ ბელგიური გუნდის ვებგვერდი ოფიციალურად იტყობინება. 31 წლის კიპერი “სტანდარტს” თავისუფალი აგენტის სტატუსით შეუერთდა.

ოჩოამ გასული სეზონი ესპანურ “გრანადაში” გაატარა, თუმცა კლუბთან კონტრაქტი ივნისში ამოეწურა. მანამდე უთამაშია “ამერიკაში”, “სან ლუისში”, “აიაჩოსა” და “მალაგაში”.

მექსიკის ეროვნული ნაკრების ღირსება გილერმო ოჩოას აქამდე 87 შეხვედრაში დაუცავს.