მოსკოვის ცსკა-ს გამთამაშებელი მილოშ ტეოდოსიჩი “ლოს ანჯელეს კლიპერსში” გადაბარგდა, აღნიშნულ ინფორმაციას ESPN-ი ავრცელებს. წყაროს ცნობით, სერბმა “კლიპერსთან” 2-წლიანი კონტრაქტი გააფორმა, რაშიც მილოში 12.3 მილიონ ამერიკულ დოლარს მიიღებს.

30 წლის გამთამაშებელი ცსკა-ში 2011 წლიდან თამაშობდა. ტეოდოსიჩმა გუნდთან ერთად 2016 წელს ევროლიგა მოიგო. 2010 წელს “ოლიმპიაკოსის” მაისურით ევროლიგის რეგულარული სეზონის საუკეთესო მოთამაშე გახდა.

მილოში ევროლიგის განვლილ სეზონში საშუალოდ 16,1 ქულასა და 6,8პასს აგროვებდა.