საფრანგეთის ნაკრების ექსფორვარდმა კრისტოფ დიუგარიმ იტალიელი ფრანჩესკო ტოტის შესახებ ისაუბრა და განაცხადა, რომ მისთვის ტოტი მსოფლიო ფეხბურთის ლეგენდა არაა.

„ტოტის ლეგენდებს შორის ვერ დავაყენებ - თუ ის ასეთი ფეხბურთელი იყო, მაშინ მხოლოდ ერთ სკუდეტოს არ მოიგებდა. ლეგენდებს გაცილებით მეტი ტიტული აქვთ. ჩემთვის იგი კონკურეტული კლუბის დიდი ფეხბურთელია. მიუხედავად იმისა, რომ ბევრი გოლი გაიტანა, უდიდესი მოთამაშე არ ყოფილა. 2006 წელსაც, როდესაც მსოფლიოს ჩემპიონი გახდა, დიდად თავი არ გამოუჩენია.

მას არასოდეს დაუტოვებია „რომა“, მაგრამ იქნებ იმიტომ, რომ არ ჰქონდა საინტერესო წინადადებები და არა იმიტომ, თითქოს რომიდან წასვლა არ სურდა“, - თქვა დიუგარიმ.

შეგახსენებთ, კრისტოფ დიუგარი იმ საფრანგეთის ნაკრების ღირსებას იცავდა, რომელმაც 1998 წელს მსოფლიოს, ხოლო 2000 წელს ევროპის ჩემპიონატი მოიგო.