მერვე ტურის პარტიები გათამაშდა საერთაშორისო საჭადრაკო ტურნირზე ,,მსოფლიოს ახალგაზრდა ვარსკვლავები’’, რომელსაც რუსეთის ერთი პატარა ქალაქი კირიშიში მასპინძლობს.

ასპარეზობის ერთადერთმა ქართველმა მონაწილე ნიკოლოზ კაჭარავამ (2180) ტურნირი კარგად დაიწყო და 3 ტურის შემდეგ 2 ქულით ლიდერთა შორის იმყოფებოდა. ამის შემდეგ ნიკას ჭადრაკის ქალღმერთმა კაისამ ცუდი თვალით გადმოხედა, კაჭარავამ ზედიზედ 5 შეხვედრა წააგო და ბოლოსწინა, მე-11 ადგილი დაეშვა.

მე-9 ტურში კაჭარავა ,,კარის მეზობელ’’ მიხეილ ნიკიტენკოს (2408, ბელარუსი) ეთამაშება, რომელსაც 2,5 ქულა აქვს და მე-10 ადგილზეა.