ლონდონის „ტოტენჰემის“ და ინგლისის ნაკრების მარცხენა მცველი დენი როუზი, თამაშს მომავალ სეზონამდე ვერ შეძლებს. აღნიშნულ ინფორმაციას „დეზების“ ოფიციალური ვებგვერდი ავრცელებს.
26 წლის ფეხბურთელმა მარცხენა მუხლის მძიმე დაზიანება იანვარს, „სანდერლენდთან“ გამართულ შეხვედრაში მიიღო და მას შემდეგ არ უთამაშია. მისი დაბრუნება ჩემპიონატის უკანასკნელ ტურებში იგეგმებოდა, თუმცა ტრავმა გაურთულდა და კიდევ ერთი ოპერაციის ჩატარება გახდა საჭირო. შესაბამისად, ის თამაშს მომავალ სეზონამდე ვერ შეძლებს.
როუზმა მიმდინარე სეზონში 21 შეხვედრის ჩატარება მოასწრო, 2 გოლი გაიტანა და 4 საგოლე გადაცემა გააკეთა.
