ლეგენდარული იტალიელი ფეხბურთელი პაოლო მალდინი "მილანში" დაბრუნებას არ აპირებს. როგორც მან ადგილობრივ მედიას განუცხადა, "როსონერიში" ჩამოყალიბებული გეგმა არ არსებობს, ასეთ პირობებში კი, მუშაობას არ აპირებს.
"მილანში დაბრუნებას გამოვრიცხავ. ხელმძღვანელობასთან შეხვედრა ჯერ კიდევ ოქტომბერში მქონდა, მაგრამ გამიჩნდა კითხვები, რომლებიც ახლაც მაქვს. გუნდი მხოლოდ ახლახან გაიყიდა და ამან ჩემი ეჭვები გაამართლა. რა თქმა უნდა, "როსონერი" რჩება ჩემს გულში და მეც დამწუხრებული ვარ სილვიო ბერლუსკონის ეპოქოს დასრულებით. თუმცა, ვფიქრობ, სწორი გადაწყვეტილება მივიღე", - თქვა მალდინიმ.
პაოლო მალდინი "მილანის" ლეგენდაა, 1985-2009 წლებში ლომბარდიული კლუბის რიგებში თამაშობდა. იტალიელი მცველის ანგარიშზე არაერთი რეკორდია.
