მაიამის მასტერსის 1/4-ფინალში ესპანელმა რაფაელ ნადალმა ჯეკ სოკი 6:2, 6:3 დაამარცხა. შეხვედრა საათსა და 25 წუთს გაგრძელდა.

რაფაელმა პირველ სეტი ორი ბრეიკით მოიგო, მეორე პარტიაში სოკი 2:0 იგებდა, მაგრამ ესპანელმა მოახერხა სეტის შემობრუნება. ნადალმა 5-დან ოთხი ბრეიკი შეასრულა, სოკმა 7-დან ერთი ბრეიკი გააკეთა.

ნახევარფინალში რაფა იტალიელ ფაბიო ფონინის შეხვდება. მატჩი 31 მარტს თბილისის დროით 21:00 საათზე დაიწყება.