საფრანგეთის ეროვნული ნაკრების ფეხბურთელ დიმიტრი პაიეს “ვესტ ჰემიდან” წასვლა უნდა. ეს ინფორმაცია ინგლისური გუნდის მთავარმა მწვრთნელმა სლავენ ბილიჩმა გაავრცელა. ხორვატი მწვრთნელის განცხადებით, “ვესტ ჰემის” მიზანი წამყვან ფეხბურთელებთან დამშვიდობება არაა, მაგრამ პაიეს დარჩენა არ სურს.

“ჩვენს ინტერესებში არ შედის გუნდიდან ლიდერების გაშვება, მაგრამ პაიემ მითხრა, რომ “ვესტ ჰემში” დარჩენა აღარ სურს. თუმცა, ჯერჯერობით, შემოთავაზება არ ყოფილა”, - აღნიშნავს ბილიჩი.

დიმიტრი პაიე “ვესტ ჰემში” 2015 წელს გამოჩნდა და შარშან ძალიან კარგი სეზონი ჰქონდა. მიმდინარე სეზონში კი, ფრანგმა 22 თამაშში 3 გოლი გაიტანა და 8 საგოლე პასი გააკეთა.